Âşıka ta’n etmek olmaz mübtelâdır neylesin
Âdeme mihr ü muhabbet bir belâdır neylesin
Âdeme mihr ü muhabbet bir belâdır neylesin
Gönlü dilberden kesilmezse aceb mi âşıkın
Gamzesiyle ta ezelden âşinâdır neylesin
N’ola ta’yin etse zabt-ı mülk-i hüsnü gamzeye
Zülfü bir âşufte-i ser-der-hevâdır neylesin
Zülfüne kalsa, perîşân eylemezdi dilleri
Anı da tahrîk eden bâd-ı sabâdır neylesin
N’ola olsa muzdarîb hâl-i dil-i uşşâkdan
Sînesi âyine-i âlem-nümâdır neylesin
Olmasa Nefî n’ola dilbeste zülf-i dilbere
Tab’ı şûh-ı dâma düşmez bir Hümâdır neylesin
